昨日在成天黑蚊蚊的天氣下去上課，
真的很可怕，放學時還黃雨，
急忙中跳上巴士回家(一向我是搭MTR)
咁就中招了，
可能太耐無搭巴士的關係，
竟然暈車浪，一路好想嘔，
架車噢得超厲害，(真的攞命呀！)
個課程係DIY意大利麵，醬汁！
但我超失望，我真係覺得MISS唔掂！
雖然有NOTES，但示範總不能判估吧！
NOTES裏有好多無教……
至於Gnocchi馬鈴薯丸子
我也只是回家上網找片子再做！
MISS只是輕輕帶過！
總之一句：如今的課程真的hea囉！
場地非常差，廚房十分滑，d安全在那？
Gnocchi馬鈴薯丸子
食後感---------彈吓彈吓
當我介紹以下的餸菜，
你們一定認為
不是嗎這麼普通的菜式真的咁難食到嗎？
因本人住得較為偏遠，
基本上放工後到街市時已經收市了，
咁點解唔去超市呢？
Sorry！我唔鍾意去超巿買菜！
咁啱哥哥今日要回校彩排，
咁就煩麻佢去街兜一圈。
是日晚餐
火腿炒銀芽
三色蛋
淮山杞子湯
(通常諗唔到煲嘜嘢湯，它就會出現)
話時話哥哥心情超靚，
無他的，佢明日的畢業禮上，
除了攞証書外，還有個品行奬，
佢第一次在咁多人面前上台領奬，
相信也是最後一次在這間學校裏攞奬，
心情難免鬆毛鬆翼。
竟然對我們作出小小要求，
早d到，最好坐前排，
well！我只能盡量喇！
(真的有排坐架！)
千萬唔好PK！
其他人可能只當它是小食，
但我卻把它當是一個餸，
醬汁不是用咖喱，係用沙嗲
登登登！
佢就係-------豬皮魚蛋
數星期前見到有粟米芯，
諗緊買唔買，
我只見過未買過又唔識整！
但街市的呀婆、檔主都好好人，
有問必答，介紹、解釋、好處、煮法、嘜都講！
粟米芯煮紅蘿葡
餘下的粟米芯可加火腿炒小棠菜！
一物兩味！正！
介紹一下河源首家國際五星(DOUBLE TREE 希爾頓逸林酒店)
大堂
房間
估下佢哋係嘜餅？
客家菜出名是什麼？
今次河源之旅只是RELAX一下心情
及哥哥考完試吧！
有太多事令我十分煩惱！
我參加這團叫懶人團
什麼叫懶人團？
無嘜景點，三點幾就返酒店，
六點食自助餐， (其實五點幾就開始了)
係好多嘢食，我有好多嘢都食唔到，
依家個胃細咗好多，有好多我係again！
至於酒店及其他就待續吧！
現在要去睇六嚿腹肌拯救隊
士多啤梨芝士餅食譜: (8吋)
餅底:
消化餅/OREO餅 5安士(碎)、無鹽牛油 2安士(溶) 混合，放入模底舖平，最好早一天做定。
芝士餡料:
忌廉芝士 250g(放軟)、奶 125g、糖 100g、鹽 1g、蛋黃 2隻、魚膠片 13g、
淡忌廉 200g、士多啤梨 隨意 (裝飾) 、士多啤梨醬 8-10粒 (加少少糖打成蓉)
做法:
1.
魚膠片用食用凍水浸軟，
2.
奶座熱放入魚膠片(渣光水)至完全溶化，
3.
蛋黃加糖、鹽座熱水打至杰身，加入②攪勻，
4.
忌廉芝士打至滑身，把③分次加入攪勻至無粒粒，再入士多啤梨醬攪勻，
5.
淡忌廉打至有鈎狀，分次加入④攪勻，倒入模裏雪一晚。(OK後加裝飾)
***水果係會出水，所以唔可以放多日。***
餘下的士多啤梨可以咁樣做……
周公又揾我傾計，晚安！
